【 ★ 华东之行 —— 感受各地巴士魅力 ★ 】

麦基佬迪 · 发表于 2008-8-9 22:21

前几日跟旅游团去左华东旅游，途径上海、无锡、南京同杭州。沿路我抽出短暂时间观察左华东既公共交通状况，睇到左广州巴士既优势同不足，前日返到来，呢两日后期处理左图片，编辑成一个专题帖供大家欣赏下，希望各位中意啦！
因为系跟团旅游，毋足够既时间详细研究华东既公共交通，只系粗略影左几张劣图供各位版友浏览，不足之处，敬请谅解啦！

麦基佬迪 · 发表于 2008-8-9 22:22

因为系游记，所以首先曝下在下出发果阵既航班啦，飞机都算交通工具嘛，空客A320-100，CFM既发动机，因为系头班机，上座率超低，可以随便稳位坐，从窗口睇出去，空中既云真系靓啊！阔别左成年几既空中飞行感觉了。
翻来既航班因为系夜班，所以就毋影到相片啦。

麦基佬迪 · 发表于 2008-8-9 22:23

第一站来到上海，印象最深刻既两栋上海最高建筑，金融中心大楼，高88层，相当气派！仲有距离唔多远既东方明珠电视塔。

麦基佬迪 · 发表于 2008-8-9 22:23

上海市民出行既主要交通工具系地铁，乘坐公交车只系一种辅助既出行方式，所以上海既公交文化并唔算浓郁，虽然票价唔贵，但每车既上座率并唔算高，一般都只系坐满甘上下，我所途经既路段都算系比较繁忙既路段了，爆满既情况并唔多，上海既客车主要有两个品牌，一个系申沃，一个系大宇，除此之外仲有小部分既常州等等。公交车站台设计就比较简陋了，一般都只系放置简单既站牌，比较少有瓦遮头既候车亭，落雨果阵就真系毋订哩啰！仲有一个比较奇怪既现象，上海巴士头牌同尾牌都只系标注左该车既路线，并毋详细标注该路线既总站，唔够人文化啊，哈哈。
04款既申沃客车为前二后三踏配置，06款就以二踏为主，都有见过12米既一踏车。申沃最大既特色就系10米以上既车清一色用进口气囊悬挂，睇得出申沃客车用料仲系比较足既，运行状况都唔错，采用进口发动机，基本上唔存在喷黑烟既状况。
大宇客车就比较一般啦，最主要系毋乜特色，钢板悬挂，10米车二踏，玉柴机器，内饰布置并唔优越，我对上海公汽引进D甘既车比较不解，上海街头居然见唔到一台10米或以上既YT。

麦基佬迪 · 发表于 2008-8-9 22:24

南京同无锡景点都相当唔错架，最主要既景点有周庄、灵山大佛、总统府同埋中山陵，南京大屠杀纪念馆我都去左，但唔俾影相。南京既景点同上海既现代化完全唔同，都系D历史遗留落来既野，发D图片俾各位欣赏下啦！

麦基佬迪 · 发表于 2008-8-9 22:25

南京系一个古老既城市，从古至今，南京孕育左中华民族源远流长既文化，当然，南京既公交车亦都系一样，一堆既热狗，长江有，东风有，连XMQ既热狗都有，最靓既怕且就系以下呢款中大客车了，呢款车质量唔多掂，黑烟车一大打，不过点都好过D老长江，行下行下就想死火，南京城市建设都唔错既，不过唔可以忽略公交系统既建设哦！
无锡既车就相当唔错了，11米车占据绝大多数，以金龙为主，居然仲俾我撞见黄海DD6140 BRT高级城市公交车，MAN造型、进口气囊悬挂、艾里逊液力变速、欧三康明斯，都算系国内首屈一指架啦！
系无锡影车太难了！无锡唔禁行电动自行车，D电动车行到飞甘快，巴士都未启动距就已经提速了，基本上影出来既相片都有一个个“X”头系度，只能够发D稍微好D既相片上来了。

麦基佬迪 · 发表于 2008-8-9 22:25

杭州真系一个好地方！人杰地灵，景色靓，巴士更加靓，全国最高档既巴士基本上都系杭州了！
杭州政府投资十几亿用于建设杭州最现代化既公共交通系统，呢样野系广州所不能比拟既！系原有既先进车辆（DD6129S、JNP6120G、XMQ6120G、ZK6128HGA、XMQ6121G）基础上，今年六月又引进左一大批12米顶级城市公交车投入BRT线路同部分普通线路运营，分别有500台ZK6128HGE、300台XMQ6125J83C同200台DHZ6120RC2！基本上路上所见到既公交车，两台入边就有一台系国内最先进既公交车，其数量之多，令人瞠目结舌！

麦基佬迪 · 发表于 2008-8-9 22:26

以下图片分别系DHZ6120RC2，ZK6128HGE同XMQ6121G，距地都系一踏无障碍车辆，进口气囊，都采用美国原装进口大功率康明斯柴油发动机，至少达到欧洲二号排放，XMQ6121G号称欧四排放，都采用软式变速器（短波），其中ZK同XMQ前桥都采用ZF独立悬挂。另外，全新引进既XMQ6125J83C同旧年引进既JNP6120G装有国际先进既淋浴式空调，相当气派，我霖以广州既现状，要达到呢种程度，应该都要花上五到六年既时间去慢慢扭亏为盈了。

麦基佬迪 · 发表于 2008-8-9 22:27

因为系去旅游，要跟团出行，所以影车既时间少之又少，基本上都系要牺牲宝贵既睡眠时间既，日日唔够训，翻来果阵都黑眼圈了，所以图片质量就唔敢保证了，尤其无锡果两几张影成甘真系拿出来都唔好意思了，唯有请大家多多包涵了！再上多几张图片啦，图片基本上就系甘多了，欢迎各位指教！

麦基佬迪 · 发表于 2008-8-9 22:28

多谢欣赏！

sam9233 · 发表于 2008-8-9 22:31

好景好图好巴士

多谢分享！

喜欢坐59的学生 · 发表于 2008-8-9 22:39

SH有所谓嘅地方保护主义.所以外地企业系好难打入去.

SH有10米YT.不过系hot dog.

HZ市区嘅公交水平.可以咁讲.距系中国大陆内面排第二.(北京之后)...

无锡仲有13.7米青年.

KAMEERU322813 · 发表于 2008-8-9 22:46

嗯~原来麦生出外旅游都不忘公干,辛苦晒咯~今日又学咗唔少嘢~
好帖绝对要支持下~

莫生 · 发表于 2008-8-9 22:53

哈,好耐没见麦生咯,原来去左上海

支持下先~不过听讲上海衣家越整越少电车窝.....

trrazme · 发表于 2008-8-9 23:00

正，几年前去完上海同杭州，当时见到杭州D公交车仲吾系几靓既，可能我去既地方比较偏僻挂，上海D车坐过，感觉还可以既～！！呵呵

帐号		自动登录	找回密码
密码			注册

【 ★ 华东之行 —— 感受各地巴士魅力 ★ 】

本帖子中包含更多资源

本帖子中包含更多资源

本帖子中包含更多资源

本帖子中包含更多资源

本帖子中包含更多资源

本帖子中包含更多资源

本帖子中包含更多资源

—— 完 ——