|
|
其实之前都谂过写呢篇嘢，不过卒之都冇写，琴日惊闻522又取消，于是实在忍唔住要写
我住洛溪新城，可以讲对今年以来嘅公交改线感受最深
波及1：冇车去新港西
未改之前，去新港西嘅线路有211，823，125，247（247会转入下渡路），改线之后就剩低211
于是家阵可以见到211几乎车车都爆满，新港西（东晓路到客村呢段）可以讲係住番禺嘅人转乘嘅一条重要路段，因为呢段路唔单止公交线网发达而且仲有两个地铁站，况且仲有中大。但係从目前情况嚟睇呢种方便随住改线几乎消失，广州端虽然仲有211独力支撑，但问题係211路线长，车唔多，而且家阵好多人拥去搭呢条线。番禺端更惨125冇咗，823冇咗，令到沙溪同洛溪新城入面嘅人出行十分不便，要想去新港西，唯有行一大段路去搭211。
对于呢个改线，我相信ZF嘅谂法一定係逼大家去坐地铁，不过，大佬啊，番禺嘅地铁站几乎都係喺D好偏僻嘅地方，洛溪新城嘅人要去到厦窖，要转1蚊接驳车，仲要落车行15分钟……真係好过瘾啊？而且多数搭3号线嘅人都需要转1，2号线先去到目的地，究竟ZF有冇谂过呢D呢？
波及2，江燕路同江南大道冇车
未改之前，有530，221，823覆盖江燕路，江南大道同宝岗一带，改线之后就剩低125断断续续噉行呢一带
其实之前嘅设置都算合理，三条线基本可以覆盖晒呢一带（河南最旺同人口最密集嘅地方），而且过咗河南之后三条线又延伸向河北唔同方向，唯一嘅缺陷应该就係221同530都係去长隆，入番禺之后线路重叠（其实番禺行得车嘅路就果几条，唔重复都难）。家阵一条125搞掂，试问一条线路又点可以覆盖三条线路嘅照顾范围？而且125嘅番禺端係丽江，噉样大石住民出行又受到限制
以上两点波及係我觉得最大嘅，当然仲有其他，不过因为我并非熟悉所有番禺到广州嘅公交线路，所以等其他人嚟补充喇！
其实呢次嘅线路改革，ZF嘅意图可以讲几明显。
1，减少公车，减轻洛溪桥负担
2，间接“逼”番禺住民用地铁出行
3，将部分长线公交截短（呢点应该同二汽将会全面接受新巴嘅30X线路有关）
针对以上我建议ZF都係重新审视下目前连接番禺同广州市区嘅公交线路，有D线路多人搭嘅证明有存在价值，建议唔好取消（如512，129，522 等），部分比较少人搭嘅线路就整合或者取消（如202，旧308等）。入市桥嘅车可以部分改为快线形式或者转车形式，如301，305可以线路改为从广州入到大石礼村等地，然后再设新线路入市桥。
另外喺番禺嘅地铁线网未普及之前，唔该ZF唔好逼我哋去搭地铁！就算要逼，唔该推行地铁公交嘅联动月票！
最后，截短线路好难避免转车情况，呢点我唔介意（其他人唔知），但係唔该将截短嘅线路纳入月票，仲有，既然ZF家阵热衷于截短公交线路，唔该推出更加多嘅月票优惠方案（比如100蚊110次噉样），方便控制转车成本！
 我看了，我也气愤啊！以后更少人住番禺咯。。齐齐挤入市区住算啦！ |
|
[复制链接]
发表于 2008-12-4 15:23
QQ好友和群
QQ空间
腾讯微博
腾讯朋友
收藏
楼主
JW伤痛我的心。。
JW满意咯