本帖最后由 andrew12315 于 2009-7-21 00:00 编辑
蓄电池原先系计划装系呢个位置既,后尾由于位置及合理分布重量既关系就转移走左,但下边要介绍既ZK6118HGZ既电池组就存放系呢一个地方。
另外,各位有毋见到该车既板簧销?图中有标明,万向公司既人曾经问我点解部车运行紧果阵个车底会发出摩擦声音,仲怀疑系咪部车既底盘质量唔好。其实,只要系听见部车运行果阵地盘发出摩擦声,一般都系板簧销系度作怪,一般来讲,悬挂较软既车板簧发响既可能性会高于悬挂较硬既车,由于悬挂较软,颠簸果阵悬挂既上下行程会较大,套系板簧销上面既板簧套更加容易磨损,板簧套磨损导致板簧同板簧销发生干性摩擦,发出响声。
举个例子,骏威04款既GZ6112SV1悬架比较软,筒式减震器既减震效果明显,乘坐舒适性强,但板簧比较容易发响,比较大比例既SV1板簧都存在发响现象。而穗景既SJ6100CG底盘就相对比较硬,乘坐舒适性弱,但板簧就基本上唔存在发响既现象。 |