|
|
[1]26路嘅河北线,如果噉行,客源同客流冇保障……至于河南线,行南洲路沥滘段呢种烂窄路,会比较麻烦……虽然唔一定会塞车,但交通压力一样会加大……
但如果可以行海客—新滘西—广州大道—天河,都可以考虑下……
[2]35路去广仁路,同样係占道经营,而且广仁路已经塞唔落第三条线路,你唔信嘅话可以亲自去睇下……
至于大学城呢边,最好就唔好转外环路入科学中心,直行中环路到地铁大学城南站,其实都唔错!至少大学城南站附近嘅道路条件允许设置个路边总站(虽然占道经营,但同市区唔同,大学城南站附近嘅道路,即使係翻学放学高峰都冇乜机动车)!而且,按照大学城规划,大学城南站有个配套站场,虽然而家站场嘅用地已经被占用,但凭借中心大街、中5~8路、中三/四横路等道路,都可以打造一个占道总站!而且,呢个总站,将252、310、86、565放入去都唔怕!
[3]28路呢种行法,都可以考虑下,但要注意周转效率同发车密度,呢两点跟唔上,就肯定唔够46、60、257抢!
[4]29路唔好调整!而家29路嘅主要问题係放车方面,交通黑点反而唔需要担心!
[5]32路入华工?可以,但我觉得行广州大道、林和西横路、林和西路(回程经行东站)、天河北会好少少,因为行粤垦路、天寿路会浪费时间……
至于DOZEN师兄嘅设想,应该就冇乜可能……二汽係唔会咁顺摊,将804B嘅市场拱手让俾32路!
其实,32路经营状况唔好,係因为发车密度唔好,而且服务时间唔合理(0700-2100),如果係0540-2240,或者仲有得救!
[6]既然35路唔出文德,37路就冇必要去文德……
[7]40路入泮塘可以(泮塘应该可以放多一条线),但要依然要注意配车数,因为而家40路嘅配车唔多,要延长就一定要加车!
本来打算调40路行丛桂路、恩宁路,不过恩宁路要改造,客源冇保证……
[8]42路……调整计划待定……因为呢条线要改动,比较麻烦……
[9]45去赤岗?肯定抢唔过地铁……DOZEN师兄嘅设想反而值得一试……
[10]56如果要去靖海路,就要北行经行天成、诗书、纸行,南行经行海珠路,但……道路条件唔允许啊……维持不变其实都唔差啊,起码光塔路附近嘅居民有呢个出行需要……
[11]64路冇办法合并,仲係个句话,道路条件唔允许大车入南漖……
[12]65而家已经经常放短线同快车,呢个楼主唔需要担心……
[13]67路只要唔好兜出外环,直接走中环路就已经唔错噶啦!而且,以67嘅运力,冇噉嘅必要调整到大学城外……当然,走新滘南翻出海客嘅方案,都可以考虑一下,但配车同密度要跟上先得……
[14]62路噉行唔好,比较兜,浪费上班族时间……
而且,其实62都算係"通勤"线路,上落班高峰客流差好远,其实只要调度搞好咗,适当放单班车,问题都可以解决.
[15]63放白云索道短线?会少好多客噶……不过放杨箕村、冼村短线反而可以考虑下.
[16]66路已经唔需要云山锦绣短线……因为新客源已经培养好,而且有544补充66个空位,已经够了……
[ 本帖最后由 KAMEERU322813 于 2007-8-3 09:06 编辑 ] |
|
[复制链接]
发表于 2007-8-2 11:53
