纯属无聊噶讨论贴……关于新车

麦基佬迪

一汽：一汽既车过多，即使听日就报废30台车，亦都马上可以系某D蚀本线抽车，42路就系好好既例子了，加上一汽显然唔想再引进LPG车挨多一个报废轮回了
二汽：二汽系三大品牌入边最有米亦都最有可能买新车既，因为二汽、兴华同恒通太多02年之前既车了，二汽依家似乎对电气化车身既金龙同短金旅比较感兴趣，骏威？除非ZF出面，否则二汽唔会买，原因？因为质量同性价比
三汽：三汽同一汽一样，车辆过剩，而且对LPG彻底失望，最多系某D旺线入小批量12米二踏，否则就系短柴油车
电车：唔好再挂住五洲龙果台垃圾了，距已经“死”左了，电车只会更新电车线路，而LPG线路就肯定唔变
新穗：继续买二手车
宝马：以目前状况基本上唔需要调整，绝大多数车辆未到报废期
马会：呢个可能比较有霖头，五洲龙系肯定唔可能既，五洲龙貌似已经放弃左广州市场，如果马会入新车应该都系骏威为主，因为骏威既五十铃技术仲系唔错既

麦基佬迪

目前广州公交企业既观点已经好明确了：
第一，除二汽之外，各企业尽量避免引进全新既LPG公交车，以免步入下一个八年，即使系小批量引进，都只会系效益最好既线路投入新车。
第二，引进中型客车（6~8米）以替代原本上座率低既路线车辆，中型客车基本上唔具备改装LPG既能力，车辆更新既同时伺机更改能源。
第三，赚钱线路配车尽量增加，蚀本线路配车能减就减，以增加上座率

麦基佬迪

另外，唔好忽视恒通客车呢个后起之秀，该企业既理念系：
第一，价格便宜，一汽既6米恒通，同柳州五菱既价格差唔多，而骏威既6米中巴，就贵得多了，对于广州公交企业来讲，价格既诱惑力系极其巨大既
第二，恒通着重于生产“新能源”客车，受到国家重视，投入左巨大既资金发展。虽然个人认为距片面发展“新能源”而唔注重产品质量对其自身不利，但系只要市交委可以中饱私囊，恒通就一定有市场
第三，该企业系北京、上海巴士展览推出其设计俾我国大城市既公交产品，其产品全面打入广州只系时间既问题

麦基佬迪

主流就唔至于，毕竟客源上仲系有一定要求既，8米车最多就系载果50人，太少啦

麦基佬迪

按楼上甘讲，甘即系柴油车啦，如果系搭配欧四发动机就肯定唔会改LPG，否则发动机损耗好大，而且排放降低唔止一个档次

麦基佬迪

或者可以期待下BRT既车，估计可能系青年，通道终于要重出江湖啦~~~
最爱通道车 发表于 2009-6-7 22:55

有青年就好罗，不过青年未正式登陆广州市场喔，如果一见面就大通道，见面礼都好重姐~
青年100万起价，以交委既性格肯定要“面子”，高配系必然既，毋120万一台应该都唔得，怕且要做车辆抵押了

麦基佬迪

希望多D车款啦。唔使睇到审美疲劳。最好希望都系广州本地车争翻口气啦！
eric97 发表于 2009-6-8 10:33

骏威呢两年真系好令人失望，基本上毋技术创新，所出产既新车型除左外形换左之外内部同旧款毋乜区别，各项性能上并唔出众，同宇通相比已经有距离了，同金龙相比就真系口碑差好多，而且有贵，安凯虽然都唔系乜野好野，但至少人地有全承载做噱头，骏威就乜自主技术都毋，拿得出手既就系之前既五十铃技术，但又毋人欣赏，08年出产既新车质量差，手工粗糙，水温高故障多，连普通既车门机构都搞唔好，唉，无语了。。。

麦基佬迪

火星一下，因咩事打官司？
奔驰CITARO 发表于 2009-6-8 12:49

呢件事就要从旧年既混合动力招标讲起了，因为福田既两款混动系广州运营产生左巨大既经济效益，无论系新穗定系福田，都得到左巨大既利益，福田想通过旧年混动既招标向广州销售第二批更加大量既混动车，而第一巴士既老总张生亦有意大量引进混动，但系，做足功课既福田系招标上惨败俾广汽客车，失去左大量既订单，据内部消息系广汽客车标到左共200台气电、油电混动既订单，福田认为招标会有幕后操作，地方主义欺人太甚，就导致事情既发生。

此时间既直接后果系：广州公交再毋引进福田城市客车，一汽亦再毋引进大型城市客车，即使系报废车辆都毋再入新车，村巴除外。

麦基佬迪

会唔会系上年JW阻左XS买混合动力，因为报纸曾经讲过话会买100部架，但到衣家都未见到.
44062871 发表于 2009-6-8 13:42

100台系有甘既传闻，但对此事件，福田既说法系订单为意向订单，只要唔确定购买合同，意向订单就等于废纸一张

麦基佬迪

车就一定系全新既，鉴于市民对该工程既广泛质疑，广州第一条BRT一定会整到好好睇睇，车辆一定系全新高配版本，至于会唔会首次大批量使用ZF车桥倒系一个可以期待既野，如果真系使用ZF车桥，甘广州既公交可以写下新既一页

麦基佬迪

所以我咪着重“首次、大批量”呢两个词啰，大金龙同大黄海既ZF桥使用终归系试验形式既，随住LPG诞生，无障碍试验失败，广州就再都毋引进财富桥了，而BRT既建成会有助于广州公交车辆向更高既配置发展，如果BRT仲系用东风桥，甘就基本上为亚运既公交定左基调了，但如果用财富桥，就意味住亚运前有更多既车辆更新，而配置将会系一个跨越

麦基佬迪

咁又唔会，高配车唔可以改装LPG，而且BRT路况比普通道路路况都要好，车辆磨损肯定比普通车轻，无论系油耗同维修费用都比较低，系典型既“贵买平用”，只要ZF肯补贴，就唔洗怕蚀本了
P.S.恭喜加精

麦基佬迪

大家有无记得广汽果6亿赞助呢？广汽应该会提供一批气电混合，或者会有油电混合，而呢D车好可能会行BRT
czw 发表于 2009-6-9 23:00

响应“广州亚运乘广州车”呢个口号？有咁既可能喔，如果唔系接到大生意，骏威都唔会去到车头玻璃打口号咁夸张