公交迷网 - 巴士之家

标题: 22路车印象——by 一个华工南校区学生（附绝版录音） [打印本页]

作者: gzpassenger 时间: 2011-5-28 18:49
标题: 22路车印象——by 一个华工南校区学生（附绝版录音）
本帖最后由 gzpassenger 于 2011-5-29 11:54 编辑

作为一个华工南校区（大学城）嘅新生，原本对22路车可以讲系冇任何印象，而关于22路嘅事情最初只系通过网络得知。
但作为一个华工学生，就噉突然对22路有种莫名好奇同惋惜。
末班车冇机会坐嘞。就喺5月26日，22取消嘅前两日，特登去体验一下呢条有59年历史嘅老线路。

首先喺BRT上社站上咗部B4，坐去广仁路总站，模拟搭B10转B4，当作系一个近似比较。
上车时间约系三点。预咗B4冇有位坐，唔使做沙丁鱼已经算好。

中山一立交，先烈南路口，该塞嘅地方重系要塞翻下。（第二张嘅光现象系咪“衍射”呢？）

以后，如果想去中华广场，唔该，喺越秀桥落车，跨过条天桥，由陵园西路行过去；如果想去北京路，无论如何，至少要由广仁路行翻出去。
到达广仁路总站，时间约为三点十一。

路过，发现801停放点。但点解要“敬告乘客”呢？

短短一段广卫路，12个分站！22路喺⑨号站。站牌，及好唔想睇到嘅告示。

有部22路埋站，嗱嗱临影翻张就上车，车辆即将开出。开车时间约四点三，接近高峰期。

循例影翻啲标志性嘅嘢。

一路上，22路车几乎冇试过满座，即交委所谓嘅“效率唔高”（莫非一味删减线路，搞到部部车都迫爆，噉先系“效率高”？！），据闻呢个系取消嘅原因之一。
上车嘅系老人家居多。一问，唔少都系五山华工嗰边嘅教师，坐咗22路50几年。

到达华工大总站。时间约五点一。总体耗时感觉同B4差唔多。

呢部系我所坐过嘅第一趟，亦系最后一趟22路。影多几张。
呢部车自编号：Y2-0350。

华工北校正门。

再睇下个站牌，22路行驶路经虽然同地铁重合较多，但同地铁站重合嘅车站实质冇几个。唔重合嘅点办？呵，唯有出地铁站再慢慢行。

22路嘅客源唔多，呢个似乎系事实，毕竟地铁嘅快捷、准点都系22路冇得比嘅。客源畀地铁抢嗮。
YY一下，如果可以将22延长，行中山六、人民北、西华路、东风西，到达西华路尾总站，话唔定会增加唔少客源。话说就真系冇边条公交线系由中山六转向人民北嘅。

一转眼，另外两部22埋站。其中一部已经再度开出。
此时遇到几位迷友，佢哋有啲重专门攞迈单反过嚟。大家都唔舍得22路啊。

后面一部宇通，自编号：Y2-1911。

呢个摄影角度有啲怪：我只系想借景抒情。

华工夹喺五山、华师两个地铁站之间，想去边个都有排行。

由华师坐地铁去公园前，4元，贵咗之余，必须练好缩骨功先好上三号线，兼要准备好迎接体育西路换乘大战。

相影得唔多，最后附送绝版录音，共有两段，重点系后面嗰段，欠缺耐心者请直接跳至第39秒。
由于条件所限，录得唔好。可能凡事就系咁难尽善尽美。
http://www.tudou.com/v/wz4yBOBEqI0/&rpid=6216163/v.swf

作者: 蝴蝶的蝴蝶 时间: 2011-5-28 23:38

YY一下，如果可以将22延长，行中山六、人民北、西华路、东风西，到达西华路尾总站，话唔定会增加唔少客源。话说就真系冇边条公交线系由中山六转向人民北嘅。

但回程唔能由人民北直接左转入中山六路。如果走中山七、康王北、东风西就可以冧下。

作者: gzpassenger 时间: 2011-5-28 23:44

但回程唔能由人民北直接左转入中山六路。如果走中山七、康王北、东风西就可以冧下。
蝴蝶的蝴蝶发表于 2011-5-28 23:38

乜嗰度唔畀左转咩？就算系，公交车应该可以例外。再唔得，回程行康王北都唔错，应该都会好旺，睇下527就知。

作者: 蝴蝶的蝴蝶 时间: 2011-5-29 00:46
回复 gzpassenger 的帖子如果可以左转，咁128就唔使停人民北啦

作者: 公交之神 时间: 2011-5-29 15:21
其实22路一早改埋入岑村米几好罗！230米五洗走来走去啦！

作者: jumbo2010820 时间: 2011-5-29 15:38
市交委相关负责人澄清说：从制定调整措施开始，交通部门就从未打算撤销22路车。此次只是暂停营运，22路番号不但不会取消，还将会听取五山地区居民意见后，改为从华工始发到其他地方的线路继续运营。

澄清：22路只是暂停营运

早在前日上午，市客管处公交科科长刘彬就对市交委撤销22路公交线的传闻做了澄清。他当时对媒体表示：“22路有接近60年的历史了，年龄都比我们大很多。但是随着一个城市的发展，地铁开通，市民出行习惯的变化，这条线路需求已大为减少。作为管理部门来说，我们希望有限的运力发挥到最大的作用。这条50多年基本未做过大调整的线路，也确实到了调整的时候。我们目前会先暂停营运，将运力安排到需求更大的线路中去。”

他早在前日上午，就对媒体表示，22路只是暂停营运，交通部门早在制定调整措施开始，就从未打算取消22路。

计划：还将在华工重启22路

刘彬表示，22路车的编码肯定不会消失，是会继续存在的。22路调整后的新线路，我们也会考虑到大家对22路的情结，重点考虑在华工重新启用。据他介绍，重出江湖的22路车，也将会改为“华工——×××”。我们也会重点听取五山地区居民，比如华工师生的意见，制定更好的22路线方案。

据了解，22路暂停运营期间，运力将被投入到78、78A、16、89四条线路，方便沿线居民出行。

欢迎光临公交迷网 - 巴士之家 (http://www.gongjiaomi.com/)