公交迷网 - 巴士之家

标题: 【 ★ 技术贴——XMQ6120G，华丽既最后演出 ★ 】 [打印本页]

作者: 麦基佬迪 时间: 2009-9-26 18:55
标题: 【 ★ 技术贴——XMQ6120G，华丽既最后演出 ★ 】
本贴为技术贴，旨在普及基本客车知识，增加客车能见度，不设限权，不置水印，欢迎讨论。

作者: 麦基佬迪 时间: 2009-9-26 18:57
XMQ6120G，大金龙曾经既代表作。虽然系我地身边既一共只有30台，但该车型对广州公共交通意义重大，距出现系广州公共交通最光辉既岁月，将会退役系广州公共交通最煎熬既年代，见证兴与衰，七年既日以继夜，其功勋难以磨灭。简单陈述一下该车型既几个“最”：广州目前技术层面最高既巴士，最早采用“财富”车桥既城市客车，广州第一款全低地板巴士，最早采用变速器偏置既巴士，最早采用ECAS技术等等。因此，系该款车型即将退役之时，对该款客车进行一个从技术上既考究十分必要。毕竟，追求城市客车实用性既广州，以后将好难见到类似既客车了。

车型：XMQ6120G
底盘型号：XMQ6120GRC三类
外形尺寸：11950×2490×3250
整备质量：11100kg 额定总质量：15900kg
发动机：C245-20 180KW 8L
前悬：2450 后悬：3200 轴距：6300
接近角/离去角：6/6
悬架类型：空气弹簧轮胎参数：275/70R22.5
名牌上既VIN码就如同客车既身份证，从客车既VIN码可以得出该车既基本数据，附汽车VIN码百科：http://baike.baidu.com/view/664596.htm

作者: 麦基佬迪 时间: 2009-9-26 18:59
　　睇该款客车既客舱，后舱同前舱一样采用一级地板，地盘上后桥既布置使得该车型唔可以沿用传统既座位布置，改而采用具有欧洲风格既座位，座位既中间设有空气悬架窥视孔，方便维修人员对气囊进行目测检查。由于车型属于无障碍客车，以关怀弱势群体为出发点，设有轮椅位置，毋摆放轮椅果阵可以增加客舱有效面积。从前舱既布置来睇，客车采用空气弹簧既缘故，前桥过道可以做得比一般板簧悬挂既客车宽，乘客唔会因过道堵塞而行唔能够向后靠拢。总既来讲，内箱设计相当大器，布置十分合理。

作者: 麦基佬迪 时间: 2009-9-26 19:00
　　驾驶室空间充足，俾司机放脚既空间开阔，仪表台做得中规中矩，毕竟02年国内客车产业尚未引入总线控制器既概念，咁样既仪表台系当时都算系比较先进了。自动变速器既按键布置系仪表台上，显得些许简陋，不过只要好用问题都唔大既。

作者: 麦基佬迪 时间: 2009-9-26 19:02
　　XMQ6120G前后桥均使用“财富”大落差门式车桥，前桥使用连杆式独立悬架，配置有ECAS升降系统（http://baike.baidu.com/view/2471801.htm）。
　　代用部件系该车既一种特色，由于底盘上绝大多数部件都系进口部件，国内经销既进口零部件毕竟比较短缺，加上生产年份久远，当车辆产生故障果阵难以稳到合适既零部件进行维修，唯有采用国产既代用零部件，国产部件既质量同进口部件有相当大既距离既，其强度、公差等级同使用寿命各方面都比进口零件差得多，即使更换左新零件，过几个星期又失效了，就致使车辆故障率增加，维修成本高昂，三汽已经唔再愿意承担高额维修费用了，呢个系淘汰该车型既最主要原因。
　　目前有个别车况差既车退役，有价值既零部件供俾运营既车辆使用，当前运营既车辆可以挨得就挨，实在行唔郁先拿翻去维修。

作者: 麦基佬迪 时间: 2009-9-26 19:04
　　主要睇下独立悬架既前桥，空气弹簧、筒式减震器系必须既，空气弹簧上面装有气阀，ECU控制储气罐通过气阀对空气弹簧充气或放气，以调整车身高度。此外，作为空气悬架车桥，前桥要装备横向、纵向稳定杆，以增加车身侧倾角刚度，保证车桥既通过性与稳定性。
　　该车使用前盘后鼓式刹车系统，对于客车来讲，前盘后鼓式系最佳形式，有版友可能会觉得使用前后盘式刹车会更加高级，但我可以话俾你听，咁样会大大影响行车安全性，客车唔同于小轿车，客车对刹车系统有非常高既要求，刹车盘既特点系响应速度快、散热快、维护方便，但缺点系刹车力度细，紧急制动既时候制动距离相对较长；而刹车鼓最大既特点就系制动力度大，而且有“自刹”特性，即系车辆运行得越快既时候，制动力度就越大，而呢个特点系刹车盘唔具备既，但刹车鼓亦有响应时间较长、散热慢以及维护不便等既缺点。客车使用前盘后鼓式刹车，可以好好咁互相弥补不足，发挥长处，安全性能大大提高。

作者: 麦基佬迪 时间: 2009-9-26 19:07
　　发动机舱总布置，发动机并唔好似一般客车咁放置系中间，而系装系偏左既位置，底盘装发动机既纵梁亦都随之设计系左侧，点解要咁布置？等阵先讲。冷气泵装系左上角，机械散热风扇装系右侧，风扇后面系水箱，水箱后面系油箱。由于侧面空间被其他部件占据，空气滤清器一改常态咁安装系发动机舱既顶部，亦就系发动机控制箱既后面。转向油泵系散热风扇隔离。
　　发动机既固定依然存在代用零件既问题，发动机与底盘一般系用橡胶以及螺钉连接，以减轻发动机对车厢所带来既震动，但由于采用既代用零件唔足够抵御发动机带来既震动与晃动，螺钉使用一段时间之后会弯曲甚至扭断，导致发动机与底盘发生激烈碰撞，造成不必要既损失。
　　总既来睇，发动机舱布置比较紧凑，由于水箱离发动机比较远，所以可以见到冷却水管比较长，横跨左三分之二发动机舱，水管并毋特殊装置固定，咁样会老化得比较快，XMQ6120G毋CAN总线，所以系发动机舱见唔到错综复杂既线束，只有必要既几条传感器线路。

作者: 麦基佬迪 时间: 2009-9-26 19:08
　　以下既呢个部件系全车动力系统既重点所在，由于车厢内后桥位置设计为一级地板，乘客既空间占据左原本用于放置变速箱与主减速器既位置，而发动机采用纵置而非横置，就导致左离合器、变速箱、主减速器要装系最左侧既地板下面，为左最大限度咁减小离合器、变速箱、主减速器所占用既空间，特地将三个部件安装系一齐！将主减速器直接接到变速箱既输出端口，跟住就系输出轴了，所以呢个部件集中左离合器、变速箱同主减速器，价值不菲，维护费用更加不菲！但相当有技术含量！
　　但依家考虑一下，假如呢台车采用发动机横置，再将呢三个主要部件同发动机串系一齐，即系按照目前全低地板公交车咁来布置发动机舱维护费用会唔会更加低呢？我霖应该系可行嗝！
　　下面介绍一个博客：http://blog.sina.com.cn/hexiubiao，呢个博客有客车底盘及发动机布置既比较专业既解释，睇完之后对客车底盘既了解可以提升一个层次。

作者: 麦基佬迪 时间: 2009-9-26 19:11
　　空气滤清器引管接上既系涡轮增压器。下面详细介绍下涡轮增压技术。增压既目的在于提高功率，柴油机增压后，机械功率提高，燃烧过程由于有充足既空气而得到一定既改善，燃油消耗量减小，有害气体排放量一般为非增压机既一半左右，可以保证原有功率同一定转矩下，适当降低发动机转速，排气噪声相应降低。但同时增压器有一定既弊病，体现系低转速时扭矩唔理想，加速性能显著下降，系低转速阶段排放以及经济性能变差。
　　涡轮增压器原理：发动机排放出来既废气产生气流，引起一侧涡轮旋转，从而通过传动轴带动另一侧进气管涡轮对即将进入气缸既空气进行压缩，使流入燃烧室既空气比重增加，燃烧更加彻底。
　　当增压到一定程度时，增压器既排气旁通阀就要打开，否则发动机将会因为进气压力过大、温度过高而发生损坏。具体气流流向图可以参考以下图片（图片出自2008年人民交通出版社出版既《汽车新能源与节能技术》一书）。
　　涡轮增压器对进气质量要求好高，如果流入增压器既空气杂质较多，吸附系增压器既深沟球轴承，会造成增压器停滞，空气微粒亦会损坏增压叶轮既页面，增压器既维修成本都系好高既，一个增压器就要几千蚊，所以话客观事物都系有两面性既，就睇你如何取舍了。

作者: 麦基佬迪 时间: 2009-9-26 19:12
若在下既理解有不足之处，敬请各位看官指正，请多指教！
—— 本贴完，欢迎讨论 ——

作者: 你老板 时间: 2009-9-26 20:10
唔睇唔知,呢只车比我想象噶更巴闭!

作者: fish鱼 时间: 2009-9-26 20:26
我想問下點解部車會時高時低呢？
LZ叫司機/站長開尾蓋？

作者: freedom 时间: 2009-9-26 20:33
终于了解清楚涡轮增压的工作原理

作者: 吾系学生 时间: 2009-9-26 20:35
等我又发布下缪论。

有好多人都会见过6120G成日都侧系一边到会问点解，其实正正係因为6120G係有ECAS（电控悬挂）嘅缘故，该系统有个车身平衡控制感应器，如果个车身平衡感应器出问题，就会出现车身平衡唔到嘅情况，或者矫枉过正嘅情况即係侧埋一边。题外话其实DD6123S05都係有同样嘅配置不过问题无6120G咁严重，唔知係一巴锁死咗个ECAS系统，定係有其他原因了

作者: zeng1984 时间: 2009-9-26 22:00
好强的科普贴啊~~~要支持!!

作者: KAMEERU322813 时间: 2009-9-26 23:02
提示: 作者被禁止或删除内容自动屏蔽

作者: 麦基佬迪 时间: 2009-9-26 23:37
本帖最后由麦基佬迪于 2009-9-26 23:41 编辑

我想問下點解部車會時高時低呢？
LZ叫司機/站長開尾蓋？
fish鱼发表于 2009-9-26 20:26

阁下既第一个问题14楼已经回答左大部分，补充一下其他原因：单侧气囊或者气阀漏气同样会导致侧倾，车厢重量唔均匀导致ECU判断错误又系一个原因~
至于第二个问题，因为在下系学汽车既，所以可以以课题为话题同司机交流，我接触过所有既司机都好好人，好配合嗝~~~
至于14楼提及既大黄海是否有ECAS系统以及点解唔会发生侧倾等一系列问题，我都霖住听日去考究一下嗝~~因为个人凭小小既经验，感觉上大黄海底盘构造应该系有比较大既唔同嗝~~~
如果讲到将ECAS系统锁死嗝话，个人认为唔会，因为如果大黄海可以锁气阀，大金龙一样可以，仲可以节省大笔维修费用添，但事实可能并非如此，有图有真相，等我再好好考究下先~~~

作者: 吾系学生 时间: 2009-9-27 00:01
本帖最后由吾系学生于 2009-9-27 00:03 编辑

阁下既第一个问题14楼已经回答左大部分，补充一下其他原因：单侧气囊或者气阀漏气同样会导致侧倾，车厢重量唔均匀导致ECU判断错误又系一个原因~
至于第二个问题，因为在下系学汽车既，所以可以以课题为话题同司机 ...
麦基佬迪发表于 2009-9-26 23:37

事实上批DD底盘配置上的确係同6120G係有D唔同，6120G係到后桥都係低地板但係DD係后桥之前係有一级升高咗，所以我就係捻唔明大家都係同一条后桥点解会係有差别

作者: 麦基佬迪 时间: 2009-9-27 08:02
我霖有可能系因为黄海既波箱、离合同主减速器既布置同发动机系处于同一条直线上既，就导致后舱要升高，因为黄海发动机舱左右各只有一个维修孔，而且唔系6120既果个位置，甘应该就表示波箱等机构唔系侧置了。置于驱动桥，同一条桥可以布置几种唔同既动力连接方式，不过就要用多几个万向节同消耗多D机械效率罢了

作者: eric97 时间: 2009-9-27 10:10
支持！！！虽然看到一脸惘然！太多专业知识！谢谢！

作者: trrazme 时间: 2009-9-27 11:05
太专业，对我来说又太抽象啦····
不过为了支持LZ既技术贴，我只能跟图了~！

作者: sam9233 时间: 2009-9-27 12:07
提示: 作者被禁止或删除内容自动屏蔽

作者: 奔驰CITARO 时间: 2009-9-27 12:19
学到野了~~

作者: 廣州市新福利 时间: 2009-9-27 12:53

我想問下點解部車會時高時低呢？
LZ叫司機/站長開尾蓋？
fish鱼发表于 2009-9-26 20:26

佢未之前講左個彈簧同氣閥ge關係lo

作者: 廣州市新福利 时间: 2009-9-27 13:10
樓主太professional拉,一定要支持,樓主ge技術貼真系令我可以大大了解內地客車ge結構,希望樓主得閒介紹多幾隻廣州車款,THX!!

作者: 廣州市新福利 时间: 2009-9-27 13:12
我也曾經聽新聞講過296爆水箱燙傷乘客事件,5g系咩原因導致?

作者: gz6112sv2 时间: 2009-9-27 14:52
体到晕，慢慢消化下先

作者: 麦基佬迪 时间: 2009-9-27 18:32

我也曾經聽新聞講過296爆水箱燙傷乘客事件,5g系咩原因導致?
廣州市新福利发表于 2009-9-27 13:12

对于呢件事既具体过程我就唔系了解得好清楚，但我可以明确话俾你知既系：
1、爆水箱同爆水管系完全唔同既概念，所导致既后果系完全唔同既，因为水箱同水管以及加水口系三个完全唔同既部件。
2、如果系爆水箱，因为水箱系散热风扇后面，水箱开裂后，D水有好大既可能系涌出地下，而好难会涌入客舱，最多系少量既水以及水蒸气通过地盘上窥视孔既间隙对乘客造成损伤。
3、如果系爆水管，水管系有压力既机构，我地讲既水循环，当车辆水温低，汽车会进入小循环，当车辆水温高，汽车会进入大循环，大循环既水压系非常高既，如果系爆水管，热水必然会通过后山缝隙涌入客舱，对乘客造成伤害。
4、如果系爆加水口，同爆水管既原理相当，但因为加水口相对位置较高，所以即使爆左最多都系漏水，热水向后方涌出，理论上唔会对乘客造成伤害。
不过上述都系理论来，事实系点，就真系唔系好清楚了

作者: KAMEERU322813 时间: 2009-9-27 18:53
提示: 作者被禁止或删除内容自动屏蔽

作者: jay_428 时间: 2009-9-27 20:49
提示: 作者被禁止或删除内容自动屏蔽

作者: gz6112s1 时间: 2009-9-28 00:27
很不错的原创图文介绍，之前虽然叫做了解过此车，但不及楼主深入，特意过来捧场。

希望更多人发such精华帖！！

作者: 廣州市新福利 时间: 2009-9-28 00:51

对于呢件事既具体过程我就唔系了解得好清楚，但我可以明确话俾你知既系：
1、爆水箱同爆水管系完全唔同既概念，所导致既后果系完全唔同既，因为水箱同水管以及加水口系三个完全唔同既部件。
2、如果系爆水箱，因 ...
麦基佬迪发表于 2009-9-27 18:32

經過MR麥ge詳細解釋又有進一步了解,THX YOUR ANS
不過我想知道汽車系達到咩程度會系大循環呢?

作者: 麦基佬迪 时间: 2009-9-28 06:57
本帖最后由麦基佬迪于 2009-9-28 13:56 编辑

简单甘讲，汽车水温要达到一定既温度汽车先可以正常运行，如果水温较低，发动机产生既热量就会大量散失，甘为左保存发动机既热量可以最大程度被利用，汽车就会系ECU既控制下关闭水箱接口进行小循环，所以小循环系唔通过水箱既；如果水温较高，发动机产生既热量散发唔出去，容易损坏机件，为左保护发动机，就要进行大循环了

作者: aty2616 时间: 2009-9-28 07:49
哇...部大侧龙真系好巴闭..~~

作者: gz6112s1 时间: 2009-9-28 11:17
高手点评真系受益非浅！

作者: 廣州市新福利 时间: 2009-9-28 17:54

高手点评真系受益非浅！
gz6112s1 发表于 2009-9-28 11:17

完全同意,系樓主度受益5少a~

作者: odoko0210 时间: 2009-9-29 13:23
2009年LZ既又一扛鼎力作,必须狂顶!!!
请教LZ有一个问题:唔知道系呢款车系自动波既缘故,抑或系距既刹车系统系LZ所讲既前盘后鼓缘故,感觉呢款车既刹车好猛,基本上开得快既时候,司机收下油,乘客都觉得刹得好厉害了,如果系踩刹车既话,就更加觉得刹得好猛,而坐手波车就好少有呢种感觉,请问呢个原因系自动波车同手波车既区别,定系其他手波车采取系其他刹车系统(比如LZ所讲既前盘后盘技术)? PS:唔排除有时开手波车既司机系空档滑行,所以感觉唔到好强既刹车感觉.

作者: 廣州市新福利 时间: 2009-9-29 20:39

2009年LZ既又一扛鼎力作,必须狂顶!!!
请教LZ有一个问题:唔知道系呢款车系自动波既缘故,抑或系距既刹车系统系LZ所讲既前盘后鼓缘故,感觉呢款车既刹车好猛,基本上开得快既时候,司机收下油,乘客都觉得刹得好厉害了,如果 ...
odoko0210 发表于 2009-9-29 13:23

以我本人估計在速度不快的時候 ,自動擋的車在怠速狀態下就像是手動擋的一檔行車,佢有個向前的衝力 ,然後你踩剎車, 又沒有踩死 ,屬於前進和停止之間前進停止停止前進來回交換車就抖了, 我想所有自動擋車都是這樣 ,其實抖只是表面,具體的可能是波箱入面前進的力沒有被釋放出來, 又在哪裡空摩齒輪呢?

作者: 麦基佬迪 时间: 2009-9-30 13:20
楼上同楼楼上所讲既现象叫发动机制动，自动挡既车行车过程中系毋空挡既，即使司机收油，发动机依然同传动轴相连接，等于发动机拖住部车前进，部车系发动机既作用下行车速度唔会变快，就会令乘客有一种向前倾既感觉，开手动挡如果溜车既时候唔挂空挡，一样有同样既感觉，呢D就叫做“发动机制动”，而自动挡既车如果溜车时人为甘调到N档，就唔会有向前倾既感觉了，因为发动机同传动轴分开左

作者: 蜜雪薇琪 时间: 2009-9-30 19:59
前面还行
后面不行..

作者: amv 时间: 2009-9-30 23:20
技术太先进有时都未必系一件好事

作者: 廣州市新福利 时间: 2009-10-1 00:43

技术太先进有时都未必系一件好事
amv 发表于 2009-9-30 23:20

5明,你指先進邊方面5系好事先?
我覺得如果你指車方面,我就5覺系壞事

作者: 奔驰CITARO 时间: 2009-10-1 09:42
本帖最后由奔驰CITARO 于 2009-10-1 09:44 编辑

技术太先进有时都未必系一件好事
amv 发表于 2009-9-30 23:20

呢啲嘢见仁见智啦~~技术好定唔好，都系试过先知~~

作者: 赖皮狗 时间: 2009-10-8 05:22
想补充几句。依只车新车翻黎系自动波噶。而家改佐棍波。。3汽而家好多自动改棍波了！

作者: KAMEERU322813 时间: 2009-10-8 09:55
提示: 作者被禁止或删除内容自动屏蔽

作者: 你老板 时间: 2009-10-8 10:56

想补充几句。依只车新车翻黎系自动波噶。而家改佐棍波。。3汽而家好多自动改棍波了！
赖皮狗发表于 2009-10-8 05:22

自动波改手波大工程啊!成本又唔低,以三汽噶性格,大批量改系无可能的...而且呢只车三汽唔舍得改的…

作者: gz6112s1 时间: 2009-10-8 12:29
有病吖～好端端一个ZF自动波唔要换手波？唔怕折堕么～
动一下脑子再说话～年轻人说话要有责任感，不要纸下巴～

作者: 你老板 时间: 2009-10-8 13:32

有病吖～好端端一个ZF自动波唔要换手波？唔怕折堕么～
动一下脑子再说话～年轻人说话要有责任感，不要纸下巴～
gz6112s1 发表于 2009-10-8 12:29

自动波大食吖嘛…果几十台纯粹做试验…

作者: KAMEERU322813 时间: 2009-10-8 13:47
提示: 作者被禁止或删除内容自动屏蔽

作者: 赖皮狗 时间: 2009-10-8 15:05
XMQ6120G真系有几台系改佐棍波噶。无话距啦。连227几台自动都改佐棍啦。仲有292条线米一样~

作者: 赖皮狗 时间: 2009-10-8 15:33

有病吖～好端端一个ZF自动波唔要换手波？唔怕折堕么～
动一下脑子再说话～年轻人说话要有责任感，不要纸下巴～
gz6112s1 发表于 2009-10-8 12:29

老
友。讲话客气D。无人有病。无开口埋口就话有病~ 论坛度就系讨论。。。无人身攻击。。至于依个问题可以慢慢研究讨论~~

作者: KAMEERU322813 时间: 2009-10-8 15:42
提示: 作者被禁止或删除内容自动屏蔽

作者: gz6112sv2 时间: 2009-10-8 15:47

有病吖～好端端一个ZF自动波唔要换手波？唔怕折堕么～
动一下脑子再说话～年轻人说话要有责任感，不要纸下巴～
gz6112s1 发表于 2009-10-8 12:29

呃。。。。拜托语气文明点好不？？

作者: gz6112s1 时间: 2009-10-8 17:10
本帖最后由 gz6112s1 于 2009-10-8 17:17 编辑

老
友。讲话客气D。无人有病。无开口埋口就话有病~ 论坛度就系讨论。。。无人身攻击。。至于依个问题可以慢慢研究讨论~~
赖皮狗发表于 2009-10-8 15:33

有图有真相，唔好讲就天下无敌～如果你有相就真系无敌！

作者: liuzhuo 时间: 2009-10-8 17:12
大家不要劳气啦，有话好好说嘛。

作者: 麦基佬迪 时间: 2009-10-9 17:08
虽然有翻旧帖既嫌疑，但我依然要讲出来，呢台车绝对吾可能改手动档！目前要换手动就连外国人都可能毋甘既能耐！
呢款车有好多次传动系统出现故障导致变速箱、传动轴等部件拆卸落来维修，最后不但毋修好，就连装都装吾翻上去，要专门花五六千蚊从厂外请老师傅翻来整，先终于装翻上去，我系帖上面都讲过了，呢款车发动机舱布置系非常特别既，发动机同变速箱吾系同一条直线上，而且变速箱体积之小系中国变速箱都吾可能比拟既，即使可以有甘细既变速箱亦都匹配吾到发动机所带来既扭力冲击以及套吾入主减速器入边，所以可以好肯定甘讲，呢款车吾可能改手动！我仲可以话埋比各位知，由于工序复杂，有好多台车既变速箱甘多年都只系仅仅被维护过几次而已！

作者: Jie_Zi 时间: 2009-10-9 19:28
本帖最后由 Jie_Zi 于 2009-10-10 18:10 编辑

XMQ6120G真系有几台系改佐棍波噶。无话距啦。连227几台自动都改佐棍啦。仲有292条线米一样~
赖皮狗发表于 2009-10-8 15:05

记忆中227冇XMQ6120G噶...
系吾系将S1同此车沟乱佐咧？
S1的确系有改手动波，例如以前236噶G0910...

作者: gz6112sv2 时间: 2009-10-9 21:12

记忆中227冇XMQ6120G噶...
系吾系将S1同此车沟乱佐咧？
S1的确系有手动波，例如以前236噶G0910...不过对于系原来就系手动波，定系后期改手动波，冇了解过...
Jie_Zi 发表于 2009-10-9 19:28

同学，前面讲左，890到919系后期改噶

作者: xmq6112 时间: 2009-10-15 17:17
好贴，学到野啦。我平生第一次左尼部车（139）线（至今也只此一次），想体验下空气悬挂，点知在琶洲大桥（南往北）落桥的第一个站上车，部车都未开郁，就跪低左。我见到的现象是：发动机转速怠速恒定在2千转附近，司机入D挡，车没反应。司机熄火重新着车，故障依旧。感我就落车转乘其他车了。这就是我坐6120G的经历，一次坐左，但又原地不动的经历。LZ知道故障是咩原因吗？

作者: 麦基佬迪 时间: 2009-10-15 17:41
如果系机械原因，就系自动离合器或者系变速箱啮合套出现故障所致；如果系电路原因，就有可能系传感器既问题了

欢迎光临公交迷网 - 巴士之家 (http://www.gongjiaomi.com/)